PIESTA

Eliodoro Ballesteros’ poem Piesta gained global acclaim when published in Madrid in 1965. The poem invites all to experience the vibrant fiestas honoring the Virgen de la Soledad, whose canonically crowned image has been venerated in Cavite City’s historic shrine for over 300 years.

Ballesteros vividly captures the lively atmosphere of the fiestas held during the first two weekends of November. These renowned celebrations continue to attract countless devotees and pilgrims. Soledad Borromeo-Buehler describes the event as a showcase of Caviteños’ Latin zest for life, highlighted by dawn dianas, grand religious processions, the colorful caracol, local delicacies, festive drinking, and dazzling fireworks.

PIESTA

por Eliodoro Ballesteros

Para todu el mana visita qui ta vini

na piesta di la Virgen de la Soledad,

patrona del ciudad di Cavite.

El piesta di Cavite el mas alegri piesta

Qui aqui na esti pruvincia nisos ta celebra,

Polqui na mucho casa cun baile y olquesta.

Todu el mundu cuntenti, pues todu ta alegra.

Musica banda banda, jeepney, auto y calesa

Ta curcula un calli desdi el amanecel,

Qui ta causa cun todu gran dolol de cabeza

Y qui para algunus alegrias y placel.

Todu el calli principal y adentro del iglesia

Llenong-lleno di genti y nuay dondi pasa,

Pues el aqui ta padeci di ataqui di epilepsia

Puedi acaba el risuello y su muelte causa.

El visita, anti todu, ta vini na Cavite

Polqui divilti quieri na aquesti ciudad,

Qui al lligal insiguida, mas qui nuay cunvite

Ta anda reza primeru ante la Soledad. 

Na plaza el mana vieju, el jovin y el muchachu

Ta dali dali vuelta para ilos divilti.

Mientras na un isquina algun qui otru borrachu

Cun el pulis ta pulpia; cun todu ta imbesti.

Al lliga a las doce, cun prialdad di calambri,

El mana genti ta anda busca algun qui comel

Y si nuay cunucidu, para pasa su hambri

Na restaurant la lliva cun su suegra y mujel.

Al acabal di cina y llenu ya el barriga,

Di anda na castillu dispues del prusicion,

Alla el mamandurukut y el mana siga-siga

Su agosto ta haci cun gran sastispaccion.

Amigu e porasteru: Aunqui cun disingañu

Qui ta incuntra al vini na piesta di nisos

Cun puntualidad siempri vini di añu en añu

Qui el puelta di Cavite ta abielto para vusos.

Tindera de Tinapa

Painting by: Daniel Libor

TINDERA DE TINAPA

Luego por la noche, yo quiere cena

toastao de morisqueta.asao de tinapa

Carne todos el dia,yo ta pastidia.

Ya pasa una tindera de tinapa curriendo ta lliba;

Ñora, cosa ba ese curriendo ta lliba?

Tienda ñora, di tinapa.

Cuanto ba, ñora, un cuarta?

Yo ta vendi dos nu ma.

No uste si pitot-pitot puerte, porque mi tienda di machuca.

Ustedes mana tindera cargado de machinada

cuando el tienda ta lliba.

No uste platica ansina, baka uste cara machaca.

No uste habla ansina, baka uste desgracia.

CARACOL DE LA VIRGEN SOLEDAD DE PORTA VAGA

Dia de visperas retrato ya hace sali

Na andas con tu ya carga na hombro

Sonida del campana como mga voces

Na cielo del mga angel ta hace cantar.

Armoniosa musica del banda ta consola

Bailar de honor na Dios ta reserva

Por a regalo na Pueblo Cavite ta ama

El sagrada imagen del Santa Virgen.

El mga camino donde ya pasa de tu imagen ta ama

Mga gente queriao con tu mira

Carismatica encanto en tu belleza

Alegrarse na corazon ta desborda.

Na basnig ya embarca muy alegria

Alla na playa donde ya encontra el sagrada imagen

Navega na medio del Mar donde ya llega

El mga ola alegre na tu viaja.

Salida del Sol no puede mira derecho el su ilumina

Na Sabana desembarca y encuentro mga grupo

Mga gente contigo ta veni y ta ama

Un sagrada misa ya hace para cun tu honor.

Desde lugar ya camina na mga calle del pueblo ta ama

Para dale cun tu saluda

El mga corazon llenung lleno de alegria

Volvi con tu honorable casa.

Querida Senyora Virgen de la Soledad

Elegida del Padre na cielo para nisos guia

E dirigi del nisos vivo confianza

Cun Jesucristo en tu hijo escogido.

Un verdadero Chabacano Caviteno .

                       
Wilfredo B. Pangilinan 

04 de Noviembre 2020

El Pascua Antes

By: Librada C. Llamado

Este el Pascua antes del guerra de 1941, como qui ta recolda yo.

Todo niso na familia tiene parte na preparacion para na Pascua. Mi mayores, mi Tia, mi hermana, mi seis hermano y yo.

Noviembre pa numa, ta anda ya mi dos hermano mayor na Irasan para busca pono de api-api para haci Christmas tree. Na segunda semana de Deciembre ta anda otra vez este mi dos hermano para culta el pono qui ya gusta ilos. Al llegar na casa ta quita ilos el mga ojas y ta culta el cuanto rama chiquito para quida mas bonito el corte del pono. Despues di dija este na sol para seca.

A catorse de Deciembre ta haci levanta el pono na un paso grande lleno de piedra chiquitito y ta involvi ya mi Tia y mi hermana mayor el mga rama y tronco di este con verde "crepe paper". Almidon espeso el qui ta usa para piga el papel na pono. Ta cubri din el paso cun "crepe paper". Despues ta puni un grande estrellas de palara na mas alto punta del pono y ta culga mga decoracion na mga rama. Nisos tres mas joven na familia el qui ta puni manga decoracion na manga rama qui ta pudi niso alcansa. Ultimo ta puni el manga luz de otro-otro color entre el mga rama. Todo el año, aquel qui aquel decoracion y luz el qui ta usa niso pero para niso bonito pa rin el niso Christmas tree, mas pa cuando sindido el mga luz.

Un Tio de nisos tiene manga pono de caña, Alla ta pidi caña mi otro dos hermano para haci parol. Talda rin para midi, culta y haci liso el mga pidaso de caña y despues amarra este na corte de estrellas y cubri con papel de japon. Ta puni pa decoracion na dos punta del parol qui hecho del mismo papel. Antes de culga el parol na afuera del ventana del sala, ta puni adentro di este un bombilla chiquito.

A dieciseis de Deciembre, el primer dia del Misa de Gallo, ta sindi el parol na manga casa, señales qui ya umpisa ya el tiempo del celebracion del Pascua. Todo el casa, grande o chiquito, tiene parol. Simple numa el mga parol y todo corte de estrellas, simbolo del estrellas qui ya diriji con el tres Mago para encontra con el Niño Jesus.

Antes y despues del misa, ta camina el musico bumbong, un banda qui ta toca mga instrumento hecho de caña. Dos o tres miembro del banda ta toca cilindro. Este el qui ta lliva melodia o tono del piesa.

Na Noche Buena, ta haci el misa de aguinaldo para celebra el nacimiento de Jesus. Despues del misa, ta reuni el familia y mga pariente o amigo. Na niso casa, frutas, castañas y suman (qui ta cusi mi Nana todo el año) el qui ta ofreci con el mga visita.

Visperas del Año Nuevo, ta reuni el familia para el comida de media-noche. Jamon china, queso de bola y pan el qui ta prepara niso todo el año. Año Nuevo numa niso ta tini jamon y queso de bola, por eso con todo gusto niso ta cumi. A las doce, ta sindi ya el manga rebentador, cohetes, lucis y cañon de caña. Alboroto y alegre todo y nuay qui ta desgracia na rebentador por ser chiquitito este - nuuy pa manga “super lolo,” “watusi” y “sinturon ni Hudas.” Nuay rin manga pleito o matansa por ser no ta tini mga tomada el mga hombre. Todo ta na casa con el familia.

A seis de Enero el dia del tres rey. Aqui ta termina el tiempo del Pascua. Ta recoji ya el mga decoracion y ta haci leña ya el Christmas tree qui no mas di pudi usa el siguiente año.

Para mi, mas alegre el Pascua antes. Como?

Juntu-junto el familia na preparacion y na celebracion del Pascua y año Nuevo.

No ta gasta tanto para na mga decoracion y para na comida.

El musico bumbong ta tuca para dale alegria, no para pidi sen con el gente.

El mga “Christmas carols” ta canta o ta tuca numa durante el tiempo de Pascua por eso ta sinti niso bueno mensaje del mga canto.

Nuay desgracia qui ta resulta na celebracion del Pascua.

Alegre y contento todo por ser ta na corazon el espiritu del Pascua, no na manga cosa material.

Source: http://www.angelfire.com/art2/roger_santos/pascua.html
Photo: Unicef Christmas card by Philippine artist Manuel D. Baldemor

Ñora Monang Muribibi : Ya Pella Niso

Credit to Teresita Rosal Solis

#ChavacanodeCaviteArticles

Ñora Monang Muribibi : Ay naku ! Fiesta ya ...

Credit to Teresita Rosal Solis

#ChavacanodeCaviteArticles

Ñora Monang

Who remembers Ñora Monang Muribibi? She used to write for the Cavite Newspaper. Article was written in 1988.

Credit to Teresita Rosal Solis

#ChavacanodeCaviteArticles

Recuerdo de Antes

Recuerdo de Antes

Por Gary M. Arceo

Septiembre, el primera mes del mga “bre’s”
Octubre, el mga genti alegre ya!
Ta pensa ya nisos el mes de Noviembre
Talyi ya el mga Fiesta,
Fiesta del Muerto
Fiesta del Ciudad
Para de Señora dela Soledad

Cerca ya din el mes de Diciembre
Ta llega ya el mas alegre mes delos “bre’s”
Ta celebria el nacimiento de Dios Jesucristo
El dia de Pascua como Fiesta
Olor del mansanas y naranjas nisos ta ole ya

Ta sinti ya din nisos
Tiene ba ya salva sen na bolsa?
Ta llega ya el Pascua
Talyi ya rin el Año Nuevo
No ma ta para el mga celebracion
Y gastos todo-todo
Pero para conmigo
Este el mga meses bien de todo

Todos los Santos!
Delante ta culda yo
El primero dia de Noviembre
Na pantiong ta anda niso
El mga nicho que sucio
Nisos di limpia y pinta blanco
Cabando de mira limpio

Llegando el siguiente dia
El mga genti ta anda ya na cementerio
El cementerio qui diquel quieto
Este un dia… muy alegrio

El lugar ta brillar
Con luz y candela ardiente
Olor del popcorn y chicharon
Lobos de colores y otro-otro juguetes
Alya na cada canto
Ilos ta vendi, el modo alegrio!

Cabando el visitacion y corto oracion
Alya naman na Samonte Park
Cerca na Carnaval o Feria
El mga genti ta anda
Nisos tiene mucho diversion
Entonces este el primera dia
Ta sinti niso todos ta qui ya el Fiesta.

Cuanto Fiesta ba niso tiene
Yo ya pregunta?

Ika dos Domingo del Noviembre
Niso di celebra
El fiesta de niso Santa
Señora dela Soledad

Ta puni ya na calle
El mga banderitas de colores
El banda de musico ta prepara ya
Vini Domingo, ilos di toca
El musico del Fiesta
Mi Amigo, mi amiga ta aqui ya

Sabado, visperas del fiesta
El dia mas sabroso recuerda
Carne del baca, puerco y gallina
Comida de Cucina Chabacano
Yo ya saboria, olor de comida
Na todo casa de niso ta prepara.

Llegando el dia Domingo, Fiesta!
Alas ocho de temprano
El lechon ta cusi ya
Banda del musico ta toca pa!
Alya na Calle Real
Mga visita ta camina
Con ilos quien ya imbita
Na mga casa-casa, ilos ta anda

La mesa lleno de comida
Botella de vino y San Miguel beer
Mucho cuentos y risas
Con todo el aploso
Como nuay mas mañana
Cuando el Fiesta de niso ta celebria

Llegando el noche ta brilla
Alya na Carnaval niso ta anda
El mga otro talya na aplaya
Embraso el novio o novia
Ta sunia abajo del luna
Adentro del cielo azul claro

Ya embarka na Feria rueda
Cabando ya huga el roleta
Juguete y ramienta de cocina
Baso, plato y tasita
Ganancia no el razon porque niso alegre
Despues el Pascua, que mas alegria!

El mga luces y rebentador
Ta dale vendi ya na mga tienda
Ta sinti y pinsa ya nisos
Pascua y Año Nuevo
Nisos, no puede mas espera

Nuevo sapatos, pantalon y polo
Di cumpra ya mi Nana
Para yo di usa
Vini dia de Pascua

Otro ya el clima y viento
Ta sinti frio ya
Pono de Pascua, mga luz y parol
Con otro caricatura pa
Ta adorna ya cada un casa

Llegan el Noche Buena
Otra ves lleno el la mesa
Tiene mucho frutas, hamon y queso de bola
Café caliente o chocolate
Misa de Gallo o Simbang Gabi
Puto Bumbong, suman y bibingka
Tiene pa tsaa caliente

Mismo dia de Pascua
El mga Niño y Niña
Con todo nuevo el mga ropa
Ta camina ya para anda
Di pidi aguinaldo
Con mga padrina y padrino

No lang el mga Niño y Niña
El ta celebria el dia
Talyi din el mga genti Viejo
Un grupo talya na canto
Tiene un pityel y baso garando
Cinco de dos docena de beer
Tagay-tagay alya na canto.

Como nuay ma mañana
Yo ta recorda…
Un semana ya lang…
Año Nuevo ta aqui ya

A trenta’y uno del Deciembre
Alya na mi Cuidad querida
El ruido del rebentador
Palanggana y maracas
O cosa-cosa pa
Para mas ruidoso el sonata

Talyi pa el mga luces y kuwitis
Ta brilla bueno ariba del cielo
Con todo el humo abajo, niso ta espera
El Media Noche de pasa ya
Para saludar el Año Nuevo

Ensima de la mesa
Comida del rico otra ves
Y muchas beses
Una ves mas yo ta recuerda
Na tras o prente de casa
Barbeque ta cusi pa!

O Dios mio, yo quiere ya retira
Na mi nacido lugar, mi Cuidad querida
Para savoria otra ves
El mga Fiestas mucho recuerdos

Cavite Hymn

Do you know Cavite province has hymn? 

Yes and here is the music video with lyrics.  

CAVITE HYMN

Bayang Cavite aking mahal

laging patnubay ng maykapal

sa yakap mo ay langit ang buhay

at laging makulay

may isang siglo nang nagdaan

bayan mong Kawit ang kung saan

ay isinilang ang kalayaan ang lahat ay nagdiwang

Cavite, Cavite

lagi ka sa puso ko

Cavite Cavite

buhay koy handog sayo

kung maapi lakas ko’y laan

ang maglingkod sayo’y kaygaan

Cavite, Cavite

ang lalawigan kong mahal

mahal kita Cavite

tangi lang sa may kapal

EL NAVIDAD

Painting by: Manuel D. Baldemor

El Navidad

Si Ta llega el Navidad na nisos pais
Viejo y joven ta queda generoso y feliz.

Mas que no hay dinero bastante.
Ta pude tambien ilos celebra
Este occasion simplemente.

Porque el Dios ta ayuda para siempre
Masque cosa el estado de cada gente.

Ta queda nisos mas alegre
Si ta mira artistico decoracion,
Diferente farol na ventana,
Puerta y poste.

Pero mas agradable el mana luces claro
Arriba del cable y grande tienda.

Con Todo este, el espiritu de pascua
Alrededor ta predomina.




Credit to: http://www.angelfire.com/art2/roger_santos/poemas.html

Chabacano Cavite ¿Comprendes criollo español de Filipinas?

Another more detailed video of El Chabacano Caviteño of Eliodoro Ballesteros.

El poema trata sobre el orgullo por la herencia cultural y idioma propios. Fue compuesto por Eliodoro Ballesteros, para la inauguración del Circulo Chabacano Caviteño en el 26 de Septiembre de 1964. En el pasado, los hispanohablantes de las Filipinas se burlaban de las personas que hablaban chabacano, el cual se llamaba lenguaje de tienda o español de tienda.  Actualmente, se aprecia esta lengua criolla y se realizan esfuerzos para preservarla. Lamentablemente, el chabacano de Cavite esta en peligro de desaparecer debido al uso generalizado del tagalo  en la ciudad de Cavite y la disminución de los hablantes nativos.

El poema fue traducido al español por Sr. Antonio Quilis, quien fue el autor del libro La Lengua Española en Filipinas (2008), y también miembro de la Academia Filipina de la Lengua.


Credit to: http://elneptunoazul.blogspot.com/

Oracion Chabacano

El Señal del Sta. Cruz - Na nombre del Tata, y del
Hijo, y del Espiritu. Santo.

El Reso del Senor –
Niso Tata Qui ta na cielo:
Quida santificao Tu nombre;
Manda vini con niso Tu reino;
Sigui el qui quiere Tu aqui na tierra igual como na
cielo! Dali con niso ahora, niso comida para todo el
dia; Perdona el mga culpa di niso, si quilaya ta
perdona niso con aquel mga qui tiene culpa con niso;
No dija qui cai niso na tentacion, pero salva con
niso na malo.

El Saludo del Angel con Maria –
Ta saluda yo contigo,Maria,
quida alegre tu! Lleno tu di gracia! El Senor
ta alli contigo! Bendito tu mas di todo el mga mujer,
y bendito rin tu Hijo Jesus!
Sta. Maria, Nana di Dios: Riza para
niso, el mga qui tiene culpa, ahora y na hora di
niso muerte.

El Gloria con el Santisima Trinidad –
Gloria con El Tata, y con el Hijo, y con el Espiritu Santo.
Igual como na principio,
ansina ahora y para todo El tiempo.

El Credo del mga Apostol –
Ta cre yo con Dios, Tata
Qui tiene poder con todo, Qui ya haci el cielo y el
tierra; Y con Jesucristo, unico Hijo di Eli,
niso Senor; Qui ya quida gente por medio del poder
del Espiritu Santo., y ya haci pari por el virgen Maria; Ya
sufri Eli por mando di P.Pilato: ya clava na
cruz, ya muri , y ya interra i; Ya baja
na lugar del mga muelto; Na tercer dia, ya quida vivo
otra vez; Ya subi na cielo y ahora sentao na
derecha de Dios, Tata Qui tiene poder cun todo; Desde
alli, di vini para juzga con el mga vivo y mga
muelto; Ta cre yo con el Espiritu Santo.; Con el Santa.
Iglesia catolico - con el comunion del mga santo; El
perdon del mga culpa; El resurreccion del cuerpo; Y el
vida eterno. Amen.


Credit to:  http://www.angelfire.com/art2/roger_santos/oracion.html

El Chavacano Caviteño

Lectura del poema " El chabacano caviteño", de Eliodoro Ballesteros.

El Chabacano Caviteño

Nisós el maná heraldo di esti local dialecto

Qui ta anunciá na mundo bajo el brillo del sol,

Como un herencia santo, grandioso y nuay depecto

Compuesto del lenguaje tagalo y español.

Desde tres cientos año di convivencia grato

Qui ya tini Cavite cun el Conquistador,

Ya nací el chavacano qui nisós cada rato

Ta plática cun gusto, cun orgullo y honor.

Formao esti di un mezcla di culurao y blanco

Qui ya risulta di rosas esti combinación;

Culurao el tagalo, el castellano el blanco

Y rosas el chavacano—nisós convelsación.

Cuando pa yo chiquito sabe ya yo chavacano

Polqui mi tata y nana cunmigo ya insiñá;

Y esti nisós dialecto todu mi compoblano

Agora y para siempre no debí di ulvidá.

Esti un prenda sagrado llenu di armonía

Qui ya alumbrá na mi vida comu un sol di virtud,

Polqui en chavacano ya escribí yo poesía

Cuando ta hací paliqui yo na mi juventud.

Cun nisós ta hací zorra di esti nisós idioma

Polqui esti dicí un idioma di español pilipit,

Pero para el di Cavite el chavacano es aroma

Concentrao na su hueso y hasta na su litit.

El maná istranjero qui tieni maná tienda

Na esti nisós ciudad pol puelza ta aprindí

El chavacano para evitá el contienda

Cun el maná cumpradol cuando ilós ta vindí.

Siguro ustedes sabe qui entre nisós paisano

Ta usá su dialecto cuando ilós ta platicá,

Y ansina nisós debí usá el chavacano

Cun nisós compoblano más qui dondí incuntrá.

Hací del chavacano comu pan di cada día,

Pues todu el caviteño di cara y corazón

Debí usá esti dialecto di música y poesía

Comu un medio apropiao na su convelsación.

El saber chavacano no siguro tan malo

Para el qui ta quidá na esti nisós ciudad;

Esti no un renuncia del inglés o tagalo

Y hasta del castellano na esti moderno edad.

Idioma chavacano, comu caidu del cielo

Qui ta usá el caviteño na mucho generación.

Ta pildí pocu poco su valor y su vuelo.

Na todu el maná barrio di esti nisós región.

Por eso, Ñol Ilustre, Jepe del Policía,

Ya organizá insiguida un grupo o sociedad

Para qui el caviteño di nochi y di día

No ulvidá el chavacano na esti localidad.

---------------------------------------

This poem depicts the ancestry and characteristic of the chavacanos from the city of Cavite is written by Don Eliodoro Ballesteros a chavacano poet, born on 18 February 1892 in the town of San Roque, ciudad de Cavite.

I wonder if he is one my ancestor.

Himno del Ciudad de Cavite

Himno del Ciudad de Cavite

(Chabacano Lyrics)

El ciudad donde yo ya naci

Muchos hijos qui ya muri

No mas ya pudi ilos sufri que ta haci

Masque el vida no bale mas pirdi.

Ciudad Cavite, ta'qui todos nisos

Para el otro ta pudi sabi

Na todo'l tiempo, na todo'l occasion

Siempre junto nisos de aqui.

Ciudad Cavite, el inspiracion

Di niso vida y corazon

Ciudad Cavite, hasta qui muri

Ta dali gracias nisos aqui.

The City Hymn was composed by Kagawad Dominador D. Hugo in a hymn writing competition sponsored by the Cavite City Government together with the Division of City Schools on August 31, 1978. Adjudged by Professor Felipe Padilla de Leon and concurred by the City Council through Resolution No. 83, the hymn was officially recognized on October 2, 1978.

The original version of the hymn was translated by Dr. Enrique R. Escalante, a prominent Caviteño, into Chabacano on September 1997, in preparation for the celebration of the centennial of Philippine Independence.

Himno ng Lungsod ng Cavite

(Tagalog lyrics)

Ang lungsod kong pinagmulan

Ay dakila sa Silangan

Ito ay pugad ng mga bayaning kay rangal

Nangasawi sa gitna ng karimlan.

Lungsod Cavite, Kami ay narito

Magtatanggol sa dakilang ngalan Mo

Sa gitna ng lungkot at madlang saya

Kaming lahat ay sama-sama.

Lungsod Cavite na aming mahal

Ikaw'y ligaya nitong buhay

Lungsod Cavite na aming sinta

Ikaw'y mabuhay sa t'wi-t'wina.