Hindi madali ang language advocacy. Higit pa ito sa paglikha at pagbebenta ng mga akda dahil ito ay tungkol sa maingat na dokumentasyon, sa pagbibigay-halaga sa proseso, at sa pagtiyak na ang bawat output ay nagsisilbing matibay na bahagi ng ating kolektibong alaala.
Ang mga zine at aklat tulad ng πππ‘π¨π¬ πππ₯ πππ₯ππ¨π§ at ππ₯ ππ‘π¨π§π π π¨ y ππ₯ πππ π¨π§π ay hindi lamang simpleng publikasyon na ordinaryong panglatag sa mesa kasama ng ibang paninda. Sila ay mga milestone project na mga patunay ng patuloy na pagsisikap na mapanatili at mapalalim ang ating wika at kultura. Kapag ang mga ganitong likha ay hindi naipuwesto ayon sa kanilang tunay na halaga, nawawala ang pagkakataong higit pang mapalakas ang mensahe ng adbokasiya.
Ang πππ‘π¨π¬ πππ₯ πππ₯ππ¨π§ ay hindi lamang papel at tinta - ito ay dokumentasyon ng ating buhay na pamana. Kinilala na ito sa labas ng bansa, niyakap sa mga pandaigdigang espasyo, at naging mahalagang bahagi ng LHCN registration.
Ang ππ₯ ππ‘π¨π§π π π¨ y ππ₯ πππ π¨π§π kahit hindi tayo ang personal na may-akda o gumuhit, ito ay bunga ng kolektibong pagsisikap ng marami para sa wikang Chabacano at hango sa panulat ni Dr. Jose Rizal. Parangal din ito sa legasiya ni Dr. Ike Escalante.
Isang paalala ito na ang continuity ay mahalaga. Ang bawat proyekto ay hindi dapat nagtatapos sa paglalabas lamang, kundi dapat sinusundan ng malinaw na direksyon kung paano ito palalalimin, palalawakin, at maipapamana.
No comments:
Post a Comment